Sassafras albidum

Sassafras albidum in Wanaque Novae Caesareae crescit

Plantae — Angiospermae

Magnoliidae
Ordo : Laurales
Familia : Lauraceae
Genus : Sassafras
Species : S. albidum

Sassafras albidum
(Nutt.) Nees

Synonyma

Sassafras variifolium

Territorium

Distributio

Sassafras albidum est species generis Sassafras, in America Septentrionali endemica, a Cenomannica meridiana Ontarioneque meridiano occidentem versus ad Iovam, et meridiem versus ad Floridam mediam Texiamque orientalem. Habitat in silvis orientalibus deciduis, altitudinibus a maris aequore ad 1500 m.^[1]^[2]^[3] Ea in Visconsinia meridiana olim habitabat, sed ut arbor endemica ibi exstirpata est.^[4]

Descriptio

Planta est media arbor decidua, quae ad 15–20 m alta crescit,^[5]^[6]^[7] trunco ad 60 cm lato, et corona multis ramis tenuibus. Cortex trunci est crassus, atrofuscus, profunde exaratus. Ramificatio^? (Anglice: branching) est sympodialis. Surculi primo sunt clari flavovirides, cortice mucilagino. Folia sunt alternata, viridia ad flavo-virentia, ovata aut obovata, 10–16 cm longa et 5–10 cm lata, petiolo brevi, gracili, leviter sulcato. Foliis sunt tres formae diversae, quarum omnes in eodem ramo gigni possunt: folia trilobata, folia elliptica non lobata, et folia bilobata. (Raro sunt plus quam tres lobi.) Autumno, fiunt flava, rubro suffusa. Flores sunt in racemis laxis, pendulosis, parvi-floriferis ad 5 cm longis primo vere, antequam appareant folia; ei sunt flavi ad flavoviridem, tepalis quinque vel sex. Pollinatio est ab insectis effecta. Fructus est drupa corvina 1 cm longa, unum semen continens. Omnes plantae partes sunt aromaticae et conditae. Radices, crassae et carnosae, surculos saepe gignunt qui novae fieri possunt arbores.^[1]^[2]^[3]^[8]

Usus

Cultus

Sassafras albidum saepe ut arbor ornamentalis colitur, praecipue pro foliis inusitatibus et odore aromatico. Praeter suam regionem indigenam, ea nonnumquam in Europa et alibi colitur.^[2]

Materia

Materia est obscura fusca, dura, et firma cum solo congreditur; olim adhibita est pro palis et tignis transversis, parvis navibus, et iugis boum. Iam adhibentur materia pro supellecte facta.^[9]

Pinacotheca

Folium non lobatum
Folium bilobatum
Folium trilobatum
Planta iuvenis tribus foliorum varietatibus
Flores
Cortex
"Fructus"
Folia autumno
Plantula

Notae

↑ ^1.0 ^1.1 Flora of North America: Sassafras albidum
↑ ^2.0 ^2.1 ^2.2 U.S. Forest Service: Sassafras albidum (pdf file)
↑ ^3.0 ^3.1 Hope College, Michigan: Sassafras albidum
↑ U.S. Forest Service Silvics Manual: Sassafras albidum
↑ Nonnulli fontes dicunt 30 ad 35 m esse altitudinem maximam, sed anno 1982, maxima in Civitatibus Foederatis est solum 23 m alta.
↑ "Sassafras albidum". Kentucky Cooperative Extension Service
↑ Whit Bronaugh (May-June, 1994). "The biggest sassafras"
↑ Keeler, H. L. (1900). Our Native Trees and How to Identify Them. Charles Scriber's Sons, New York.
↑ Missouriplants: Sassafras albidum

Nexus externi

Vicimedia Communia plura habent quae ad Sassafras albidum spectant.

Vide "Sassafras albidum" apud Vicispecies.

stipula

Haec stipula ad biologiam spectat. Amplifica, si potes!

[fna-1] 1.0 ^1.1 Flora of North America: Sassafras albidum

[usfs-2] 2.0 ^2.1 ^2.2 U.S. Forest Service: Sassafras albidum (pdf file)

[hope-3] 3.0 ^3.1 Hope College, Michigan: Sassafras albidum

[usfs1-4] U.S. Forest Service Silvics Manual: Sassafras albidum

[5] Nonnulli fontes dicunt 30 ad 35 m esse altitudinem maximam, sed anno 1982, maxima in Civitatibus Foederatis est solum 23 m alta.

[6] "Sassafras albidum". Kentucky Cooperative Extension Service

[7] Whit Bronaugh (May-June, 1994). "The biggest sassafras"

[Keeler-8] Keeler, H. L. (1900). Our Native Trees and How to Identify Them. Charles Scriber's Sons, New York.

[mp-9] Missouriplants: Sassafras albidum

[1]

[2]

[3]

[4]

[5]

[6]

[7]

[8]

[9]